7 viktima brenda një jave në një shtëpi të të moshuarve në Freiburg

Sipas komunikatës, shifrat në fjalë nuk janë përfshirë ende në statistikat zyrtare

Në shtëpinë e të moshuarve në Siviriez (Kantoni Freiburg),  pas testit të bërë për koronavirus, javën e kaluar kanë rezultuar pozitivë 37 persona. 53 veta tashmë janë infektuar, shkruan sda.ch.

Shtatë veta kanë vdekur, siç njoftojnë të mërkurën shërbimet shëndetësore dhe sociale të Freiburgut.

Ato shkruajnë se 34 nga të infektuarit janë banorë dhe 19 të tjerët, punonjës të shtëpisë në fjalë, transmeton albinfo.ch. Për shkak të numrit të madh të punonjësve të infektuar, Zyra Mjekësore Kantonale e Fribourg tani ka kërkuar që banorët e shtëpisë  së të moshuarve të pranohen në spital.

Sipas komunikatës, shifrat në fjalë nuk janë përfshirë ende në statistikat zyrtare.

Një shpërthim i koronavirusit është regjistruar edhe në Bulle FR. Në shtëpinë e të moshuarve “Maison Bourgeoisiale”, 21 banorë dhe 13 anëtarë të stafit kanë rezultuar pozitivisht, përcjell albinfo.ch. Deri më tani aty ka ndodhur një vdekje nga Covid-19.

---