87% e të kthyerve vullnetarë janë nga shtetet e Ballkanit

Shtetasit e vendeve ballkanike përbëjnë shumicën edhe në numrin e azilkërkuesve e status të refuzuar të azilit

KEYSTONE

Gjatë vitit të kaluar Gjermaninë e kanë braktisur vullnetarisht 37220 të huaj, të cilëve u është refuzuar azili. Është karakteristike se 32.494 prej tyre ose plot 87% janë shtetas të vendeve ballkanike, shkruan gazeta «Die Welt» e të martës, duke iu referuar të dhënave nga Ministria e Brendshme.

Shtetasit e vendeve ballkanike përbëjnë shumicën edhe në numrin e azilkërkuesve e status të refuzuar të azilit, transmeton albinfo.ch. Kjo rezulton nga të dhënat që ofrojnë disa nga landet e Gjermanisë. Kështu nga landi Hesen janë riatdhesuar 2658 azilkërkues. Numrin më të madh në mesin e tyre e përbëjnë shtetasit e Shqipërisë, 1000 sish, kosovarët 724, serbët 352 dhe maqedonasit 112.

Ndërsa landi i Bavarisë gjatë vitit 2025 ka riatdhesuar4195 persona.

Nga e gjithë Gjermania gjatë vitit të kaluar janë dëbuar 20.916 persona që është pothuajse sa dyfishi i vitit të kaluar, kur ishin 10.884.