965.000 refugjatë për 11 muaj në Gjermani

Nga fillimi i vitit e deri në fund të muajit nëntor në Gjermani janë regjistruar afërsisht 965 mijë refugjatë, me çka është tejkaluar parashikimi që kanë bërë autoritetet e vendit për numrin e refugjatëve që do të kërkojnë azil deri në fund të vitit.

Më shumë se gjysmaose rreth 484.000 refugjatë kanë ardhur nga Siria, ka bërë të ditur Ministria e Brendshme të hënën në Berlin, njofton Agjencia Gjermane e Lajmeve dpa. Në vendin e dytë dhe të tretë janë refugjatët nga Afganistani dhe nga Iraku.

Vetëm gjatë muajit nëntor, në Gjermani kanë kërkuar azil 206.000 veta. Por, tërhiqet vërejtja se këta numra mund të mos jenë përfundimtarë, pasi që për shkak të fluksit të madh, shumë refugjatë detyrohen të presin gjatë para se të regjistrohen si azilkërkues.