Kërcënimi me shpërthim rezulton i rrejshëm

Shërbimi përkatës policor ka konstatuar se në valixhen e dyshuar nuk ka pasur materie shpërthyese

Një person 34 vjeçar në mbrëmjen e të shtunës në Bazel ka shkaktuar një ndërhyrje të madhe të policisë dhe të zjarrfikësve, njofton nzz.ch.

Ai kishte kërcënuar se në një valixhe po mbante një materie shpërthyese të cilën do ta aktivizonte përmes teledirigjuesit.

Rreth orës 22, dy punonjës të firmës Securitrans bënë kontrollimin e personit në fjalë dhe e arrestuan njofton Prokuroria e Përgjithshme e Kantonit Baselstadt. Valixhja e tij u konfiskua nga Policia Kantonale e Kantonit  dhe i është dorëzuar për analizë Shërbimit përkatës Shkencor të Policisë së Qytetit të Cyrihut.

Ky shërbim ka konstatuar se në valixhe nuk ka pasur materie shpërthyese.