Mërgimtarë, kujdes sa para sillni në vendlindje

Sipas një vendimi të Drejtorisë doganore të Maqedonisë, shuma e parave që mund të hyjnë dhe të dalin nga shteti është 10 mijë euro

Autoritetet e Maqedonisë kanë përkufizuar mundësinë për transportimin e parave, brenda dhe jashtë shtetit. Sipas një vendimi të Drejtorisë doganore të Maqedonisë, shuma e parave që mund të hyjnë dhe të dalin nga shteti është 10 mijë euro, edhe ato duhet të deklarohen në kufij.

Ndërsa s i përket eksportin e valutës së huaj jashtë shtetit duhet që qytetarët të raportojnë çdo sasi mbi 2000 euro për person, të bashkangjitur me një certifikatë nga një bankë e autorizuar apo zyrë e këmbimit, raporton INA. Kurse, nxjerrja e më shumë se 10 mijë euro jashtë shtetit nga banorët e Maqedonisë është e ndaluar. Për çdo shumë që tejkalon këtë shifër duhet të merret konfirmim me shkrim nga autoritet maqedonase dhe të dëshmohet në doganë.

Për mos raportim të hollave dhe udhëtarëve që marrin me vete para, do të ketë ndëshkime, thuhet në njoftim.

Maqedonia, sikurse dhe vendeve të rajonit, stabilitetin social e siguron nga remitencat e bashkatdhetarëve. Sipas të dhënave të Bankës Botërore, diaspora vitin e kaluar në Maqedoni ka dërguar 380 milionë dollarë, që paraqet 3.7 për qind të Bruto Prodhimit Vendor. Kjo shifër konsiderohet të jetë dukshëm më madhe, pasi që shumë para vijnë “ndër duar”.