Zjarr i madh në Rupperswil, humbin jetën disa persona

Një numër ende i panjohur personash kanë gjetur vdekjen në një zjarr të madh që ka përfshirë sot rreth orës 11.30 një shtëpi në Rupperswil të kantonit Aargau. Siç shkruajnë mediet zvicerane duke iu referar burimeve nga policia, ende nuk dihen shkaktarët e zjarrit dhe hetimet janë duke vazhduar.

Policia ka bllokuar gjithë pjesë rreth shtëpisë së goditur dhe nuk lejon hyrjen e askujt, thonë banorët lokalë. Bëhet fjalë për një lagje të qetë ku jetojnë shumë familje.

Policia ende nuk ka mundur të ofrojë të dhëna për numrin e saktë të viktimave dhe as për identitetin e tyre.