Frankofonët dhe Berna, të privilegjuar me poste federale

Deri në vitin 2000 me kushtetutë ishte rregulluar që një kanton nuk mund të ketë në asnjë rast më shumë se një këshilltar federal

Zgjedhja brenda një kohe të shkurtë në postet kryesore të politikës së vendit e disa politikanëve nga zona frankofone dhe nga Kantoni i Bernës ka bërë pjesë të debatit politik shqetësimin për njëfarë «pabarazie» që ka ndodhur.

Pas një viti me presidenteje të federatës një qytetare nga Kantoni i Bernës (Sommaruga) dhe dy kryetarë të dhomave parlamentare që vijnë nga Zvicra Frankofone (Stéphane Rossini dhe Claude Hêche), edhe ky vit po fillon në shenjë të këtyre dy regjioneve, shkruajnë mediet zvicerane.

Kështu, presidenti i Federatës sërish vjen nga Berna (Johannn Schneider Ammann i FDP-së). Njëkohësisht edhe kryetarët e dhomave të Parlamentit janë po ashtu njëri nga zona frankofone (Raphael Comte) dhe njëra nga Berna (Christa Markwalder).

Përgjithësisht në Keshillin Federal (Qeverinë e Zvicrës) Kantoni i Bernës është i përfaqësuar dy herë ndërsa frankofonia tri herë, transmeton albinfo.ch.

Deri në vitin 2000 me kushtetutë ishte rregulluar që një kanton nuk mund të ketë në asnjë rast më shumë se një këshilltar federal (ministër në Qeverinë Federale).