Vit rekord për “Ryanair” dhe “Easyjet”

"Ryanair" ka transportuar gjatë vitit që shkoi 101.4 milionë udhëtarë ose 15% më shumë se një vit më parë. Ndërsa «Esyjet» 69.8 milionë

Dy kompanitë e mëdha që ofrojnë fluturime me çmime të lira (lowcoast) «Ryanair» dhe «Easyjet» kanë shënuar një rritje të ndjeshme të numrit të pasagjerëve gjatë vitit 2015.

Sipas deklarimit të vet, «Ryanair» (me seli në Irlandë) ka transportuar gjatë vitit që shkoi 101.4 milionë udhëtarë. Me këtë shifër ajo është kompania e parë që ka arritur që në transportin ndërkombëtar të kalojë shifrën prej mbi 100 milionë udhëtarësh brenda një viti kalendarik, shkruajnë mediet botërore, transmeton albinfo.ch.

Ndërsa kompania britanike «Esyjet» ka arritur në shifrën prej 69.8 milionë pasagjerësh, duke e rritur për 6.9% atë në krahasim me vitin 2014.

Edhe në aspektin financiar, kompanitë e përmendura paralajmërojnë arritje rekorde.