Rritje e vogël e shkallës së papunësisë gjatë vitit 2015

Në dhjetor të vitt 2015 ne Zvicër kishte 3.7% të papunë ndërkohë që në nëntor ishin 3.4%. Por gjatë tërë vitit, kjo shkallë ka qenë në 3.3%

Niveli i papunësisë në Zvicër, në fund të vitit që shkoi, është ngritur në shkallën më të lartë që nga viti 2010. Në dhjetor të vitt 2015 ne Zvicër kishte 3.7% të papunë ndërkohë që në nëntor ishin 3.4%.

Por, marrë mesatarisht gjatë tërë vitit, kjo shkallë është ngritur jo shumë: nga 3.2% sa ka qenë, në 3.3%.

Në fund të dhjetorit në Zvicër ishin të regjistruar afër 160 mijë persona si të papunë. Dhe kjo është rreth 11 mijë më shumë se në vitin paraprak, njofton Seco (Sekretariati Shtetëror për Ekonomi). Ndërkaq, shpërndarë në gjithë vitin 2015, mesatarisht në Zvicër kishte 143 mijë veta të regjistruar si të papunë, ose 6000 më shumë se në vitin 2014.

Rritja e shkallës së papunësisë nga fundi i vitit nuk shpjegohet vetëm me arsye sezonale, shkruan srf.ch. në këtë trend ka ndikuar po ashtu edhe rritja e ngadalësuar ekonomike që ka karakterizuar vitin e kaluar

Marrë në përgjithësi, papunësia gjatë vitit që lam pas ka shënuar ngritje por jo aq të madhe sa kanë qenë parashikimet pesimiste, transmeton albinfo.ch.

Është rritur edhe numri i të papunëve të përjashtuar nga zyra për ndërmjetësim të punës, pasi që kanë kaluar afatin e lejuar të mbështetjes financiare nga kjo zyrë dhe nuk kanë gjetur punë. Gjatë vitit 2015 kanë qenë 3100 të tillë që është dukshëm më shumë se në vitet paraprake.