BE, 700 milionë shteteve anëtare, për krizën e refugjatëve

Është hera e parë që në Bruksel caktohet një fond emergjent për tejkalimin e një krize humanitare në një shtet brenda Bashkimit Evropian

KEYSTONE

Për zbutjen e krizës së refugjatëve, Komisioni i BE-së planifikon që të ndihmojë shtetet anëtare që përballen drejtpërdrejt me fluksin migrator me 700 milionë euro. 300 milionë nga kjo shumë pritet të rrjedhin qysh gjatë këtij viti, ndërsa nga 200 milionë në dy vitet e ardhshme, njofton reuters.

Kjo shumë tashmë është ndarë me këtë destinim në buxhetin e BE-së.

Është hera e parë që në Bruksel caktohet një fond emergjent për tejkalimin e një krize humanitare në një shtet brenda Bashkimit Evropian, transmeton albinfo.ch. Shtetet anëtare dhe Parlamenti Evropian mbetet ende që të miratojnë planet që parashikojnë këtë rindarje brenda buxhetit të BE-së. Por, me këtë rast nuk do te preken mjetet e ndara për ndihma jashtë BE-së.

Shuma e përmendur e parave do t`i jepet para se gjithash Greqisë, ku tashmë sipas OKB-së kanë ardhur përmes rrugës detare dhjetëra mijë refugjatë.

Por edhe shtetet si Hungaria, Sllovenia, Kroacia ashtu si dhe shtetet joanëtare si Serbia do të përfitojnë nga BE-ja strehimore te përkohshme, produkte higjenike dhe mjekësore.