Dëmet nga katastrofat natyrore në botë, 92 miliardë dollarë

Gjatë vitit 2015 në botë ka pasur më shumë katastrofa natyrore se në cilindo vit më parë. Në fakt viti që shkoi ishte viti i dtë radhazi që shënonte rekord në këtë pikë, (pasi që edhe viti 2014 ishte rekord deri atëherë) njofton kompania e njohur e sigurimeve, Swiss Re.

Numri i viktimave të shkaktuara nga këto katastrofa, në vitin 2015 ka qenë dy herë më i madh se në vitin paraprak, shkruan srf.ch. Ndërsa krahasuar me vitin 1990, ky numër është më shumë se përgjysmë më i ulët.

Katastrofa natyrore që ka marrë më së shumti jetë njerëzish gjatë vitit 2015 ka qenë tërmeti në Nepal, nga i cili kanë humbur jetën 9000 njerëz.

Sa u përket viktimave, at janë llogaritur edhe ato të katastrofave të shkaktuara nga njeriu, transmeton albinfo.ch.

Shuma e përgjithshme e dëmeve të shkaktuara nga katastrofat natyrore që kanë ndodhur gjatë vitit 2015 llogaritet në 92 miliardë dollarë, sipas Swiss Re, që është për një të pestën më pak se në vitin paraprak.