Kundër lëvizjes së lirë brenda Shengenit

Shumica e banorëve të Francës, Gjermanisë dhe Italisë janë kundër "Evropës pa kufij" dhe janë për të braktisur zonën e Shengenit

Shumica e banorëve të Francës, Gjermanisë dhe Italisë janë kundër “Evropës pa kufij” dhe për të braktisur zonën e Shengenit.

Marrëveshja Shengen për lëvizjen e lirë në territorin e shteteve anëtare të Bashkimit Evropian (plus Norvegjia, Zvicra dhe Islanda që nuk janë pjesë e BE-së) është bërë shumë e padëshirueshme në tri shtetet kryesore të Bashkimit Evropian – Francë, Gjermani dhe Itali, shkruan albinfo.ch.

Gati 3 nga 4 francezë duan ta shfuqizojnë zonën Shengen, ndërsa i njëjti opinion është ndarë nga dy të tretat e popullsisë së Gjermanisë dhe Italisë.

Nuk ka dyshim se kriza e refugjatëve që ka përfshirë kontinentin ka kontribuar në sjelljen e qytetarëve të vendeve perëndimore.

Banorët e Francës, Gjermanisë dhe Italisë tani preferojnë kufijtë e vendeve të BE-së të jenë të mbyllur dhe jo si tani që udhëtojnë lirshëm nëpër Evropë, e cila ishte një nga parimet themelore të integrimit evropian.

Instituti francez “Ifop” ka kryer një studim, i cili arrin në përfundimin se 72% e të anketuarve në Francë kërkojnë mbylljen e kufijve nacionalë dhe të njëjtin qëndrim, 66%, e kanë gjermanët dhe 60% italianët, përcjell albinfo.ch.