Edhe një viktimë në Kosovë nga AH1N1

Enver Mazreku ishte viktima e tretë e këtij gripi gjatë këtij viti. Në Klinikën Infektive janë mbi 40 pacientë të prekur nga kjo sëmundje

Enver Mazreku (40), profesor i kimisë, drejtor i shkollës fillore në fshatin Opterushë dhe anëtar i Kryesisë së Degës në LDK në Rahovec, ka ndërruar jetë mbrëmë në Klinikën Infektive të QKUK në Prishtinë, pasi që ishte i prekur nga virusi AH1N1.

I ndjeri dy javë qëndroi i shtrirë në QKUK dhe përkundër përpjekjeve të mjekëve të Klinikës Infektive, ai vdiq mbrëmë rreth mesnate.

Ceremonia mortore e varrimit të Enver Mazrekut u sot në Opterushë, ku morën pjesë miq e familjarë, përfaqësues të Kuvendit Komunal të Rahovecit dhe të LDK-së.

Ndryshe, ai ishte viktima e tretë e këtij gripi gjatë këtij viti.

Mësohet se në Klinikën Infektive janë të shtrirë mbi 40 pacientë të prekur nga ky grip i rrezikshëm.