Mbetet e fortë ekonomia më e madhe në Evropë

Pa përshtatje sezonale, numri i të papunëve ka rënë për 50 mijë në 2.614 milionë dhe shkalla e papunësisë ra në 5.9 për qind në muajin qershor nga 6.0 për qind sa ishte në muajin maj

Shkalla e papunësisë në Gjermani në qershor ka mbetur në nivelin më të ulët që prej ribashkimit të Gjermanisë ngase ekonomia më e madhe në Evropë mbetet e fortë.

Shkalla e papunësisë në Gjermani në qershor ishte 6.1 për qind,  njëjtë si në maj, thotë Ministria gjermane e Punës, raporton AFP, përcjell albinfo.ch.

Numri i të papunëve në qershor ra me 6,000 në 2,69 milionë, gjë që tregon se papunësia është ende në nivelin më të ulët që prej bashkimit të Gjermanisë Lindore dhe Perëndimore në vitin 1990.

Pa përshtatje sezonale, numri i të papunëve ka rënë për 50 mijë në 2.614 milionë dhe shkalla e papunësisë ra në 5.9 për qind në muajin qershor nga 6.0 për qind sa ishte në muajin maj.

“Pavarësisht mjedisit të vështirë, ekonomia gjermane mbetet e fortë”, thuhet në një deklaratë të ministrisë.

Bruto produkti vendor në Gjermani në tremujorin e parë u rrit me 0.7 për qind, kujton AFP.