Mlladiçi mund të ketë vdekur

I dyshuari serb për krime lufte, gjenerali Ratko Mlladiç, sipas informatave të bashkëshortes së tij, me siguri duhet të jetë i vdekur.

Pa medikamentet e tij, ai nuk është e mundur të mbijetojë. “Po të ishte gjallë, ai do të gjente mënyrë për të na lajmëruar”, ka deklaruar Bosiljka Mlladiç, gjatë ditës së martë në Gjykatë, ku duhet të përgjigjet lidhur me veprën penale “armëmbajtje pa leje”.

Armët ishin gjetur në vitin 2008, gjatë bastisjes së shtëpisë së familjes, ndërsa sipas bashkëshortes, ato i kanë takuar Mlladiçit. Gjithnjë sipas saj, pa ndihmë mjekësore, ai nuk do të ishte në gjendje të mbijetojë. Udhëheqësi ushtarak i serbëvetë Bosnjës, do të duhet të përgjigjet para Gjykatës ndërkombëtare për krime lufte, i dyshuar për gjenocid të kryer në periudhën prej vitit 1992 e deri më 1995.

Ai posaçërsiht ngarkohet si pjesëmarrës në masakrën e Srebrenicës. Në enklavën boshnjake, në korrik të vitit 1995, në masakrën më të madhe në Evropë, që nga Lufta e Dytë Botërore, ishin vrarë 8.000 burra dhe të rinj myslimanë. Që nga viti 1995, Mlladiçi është në arrati, përfundon artikullin e saj Agjencia gjermane telegrafile DAPD..