Vitez: Kosova ende nuk mund të përfitojë nga CEFTA

Vitez ka thënë se CEFTA nuk është organizatë, por marrëveshje rajonale e tregtisë së lirë, prandaj çdo gjë varet nga marrëveshjet mes palëve

Edhe pse nga janari i këtij viti Kosova e kryeson marrëveshjen e CEFTA-s, nuk pritet që të përfitojë nga ajo. Kjo është bërë e ditur edhe nga drejtoresha e sekretariatit të CEFTA-s Renata Vitez.

Në një konferencë të organizuar në Prishtinë rreth politikës tregtare të BE-së dhe CEFTA për Kosovën, Vitez ka thënë se CEFTA nuk është organizatë, por marrëveshje rajonale e tregtisë së lirë, prandaj çdo gjë varet nga marrëveshjet mes palëve.

Kurse Luan Shllaku nga fondacioni SOROS, ka thënë se pavarësisht ngecjeve CEFTA mbetet e vetmja mundësi e Kosovës sa i përket tregtisë së lirë. Ndërsa Khaldon Sinno nga zyra e komisionit Evropian ka thënë se shpreson se bisedimet mes Prishtinës dhe Beogradit do të mund të ndihmonin që Kosovës ti hiqen bllokadat nga Serbia.