KMDLNJ-EULEX-it: Vetëm suspendimi, nuk mjafton!

“Një masë e tillë është një mesazh i keq për qytetarin e Kosovës"

KMDLNj ka reaguar duke thënë se masa e suspendimit për punëtorin e EULEX-it është e pamjaftueshme. Reagimi i KMDLNj-së vjen një ditë pasi misioni evropian i sundimit të ligjit ka suspenduar një punonjës të tij dhe disa të tjerëve ua ka ndërruar postet.

“Një masë e tillë është një mesazh i keq për qytetarin e Kosovës. Arsyetimi që EULEX-i ka dhënë në mediat e Kosovës që suspendimi është bërë për arsye sigurie është edhe ofendim shtesë. Kjo do të thotë që nëse nuk do të ishte për çështje sigurie të pjesëtarëve të misionit, atëherë kur rasti do të mbyllej”, thuhet në reagim.

Raste të ngjashme të shkeljeve, sipas KMDLNj-së ka pasur edhe në misionet e UNMIK-ut dhe të KFOR-it, por që janë mbyllur apo fshehur nga këto struktura.