Zbulohet një talent kosovar në Kroaci

Bëhet fjalë për të riun Mark Markun, i cili ka impresionuar jurinë e një spektakli të njohur kroat

Një talent tjetër kosovar është zbuluar në një spektakël në Kroaci, “Hrvatska trazi zvijezdu”.

Bëhet fjalë për të riun Mark Markun, i cili ka impresionuar jurinë e këtij spektakli duke krijuar fansa të shumtë në Kroaci.

Ai me talentin e tij tashmë është futur në 15-shën e më të mirëve.

Të gjithë po flasin për talentin kosovar në Kroaci.

Marku ka deklaruar për mediet kroate se nuk e pëlqen edhe aq shumë famën dhe nuk dëshiron të jetë më ndryshe se bashkëmoshatarët e tij.

„Ky është vetëm një shou dhe një ditë do të përfundoj, por unë nuk do të ndalem”, ka thënë Marku.

Ai shpreson se një ditë do t’i realizohet ëndrra të behet yll i muzikës.

Në shumë emisione garuese për talente të rinj anekënd botës, talentet shqiptarë janë duke u vlerësuar shumë nga juritë profesionale.

Nga ana tjetër, Ardian Bujupi, vazhdon ende garën në “Deutschland sucht den Super Star” (Gjermania kërkon super-yllin).

Bujupi po shkon drejt finales, ai me talentin e tij muzikor ka hyrë në katërshen e më të mirëve në Gjermani.

Më shumë për Markun do të mësoni në linkun e mëposhtëm: