Delegacion i Kosovës në lumturimin e Gjon Palit të Dytë

Kryeministri Thaçi është ftuar nga Papa Benedikti i XVI që të marrë pjesë në këtë ceremoni. E shoqëron ministri i Jashtëm, Hoxhaj

Kryeministri Hashim Thaçi do të marrë pjesë në ceremoninë e Lumturimit të Papa Gjon Palit të Dytë, që do të mbahet të dielën.

Qeveria e Kosovës bëri të ditur se kryeministri është ftuar nga Papa Benedikti i XVI që të marrë pjesë në këtë ceremoni. Delegacioni kryesohet nga kryeministri Thaçi, i shoqëruar nga ministri i Jashtëm, Enver Hoxhaj.

Në meshën e së dielës do të marrin pjesë 62 shefa të shteteve dhe qeverive dhe përfaqësues të pesë familjeve mbretërore, ndërsa qindra mijë veta priten të marrin pjesë në këtë ceremoni.