Gjatë verës jepen pasaportat biometrike

Ministria e Punëve të Brendshme e Kosovës ka paralajmëruar që gjatë verës të fillojë të jap pasaportat biometrike. Edona Baruti, këshilltare e ministrit të Punëve të Brendshme, Bajram Rexhepi ka thënë se procedurat e tenderit që pati shpallur kjo ministri tashmë janë në fazën përfundimtare dhe se kompania fituese që do të prodhojë këto pasaporta do të dihet shumë shpejtë.

Kosova ende nuk e ka marrë udhërrëfyesin për liberalizimin e vizave nga Komisioni Evropian. Megjithatë institucionet e vendit po përmbushin një plan të njëanshëm të kritereve për liberalizimin e vizave.

Ministri i Punëve të Brendshme, Bajram Rexhepi, në fund të vitit të kaluar, pati shprehur zhgënjimin e tij në institucionet evropiane pasi ato bënë të ditur se dorëzimi i udhërrëfyesit nuk do të ndodhë në atë kohë.