Tahiri: Veriu, jashtë bisedimeve

Serbia nuk mund të bëhet pjesë e BE-së pa e pranuar Kosovën dhe pa qenë bashkëpunuese me shtetet fqinje

Zëvendëskryeministrja e Kosovës, Edita Tahiri i ka siguruar të premten qytetarët e Kosovës se Serbia nuk mund të pengojë rrugën e Kosovës drejt Bashkimit Evropian. Ndërkaq, duke folur për rezultatin e bisedimeve, Tahiri tha se priten rezultate më të mira në takimet e radhës, sidomos drejt lëvizjes së lirë të qytetarëve të të dyja vendeve.

Kjo pasi, sipas Tahirit, Serbia nuk mund të bëhet pjesë e BE-së pa e pranuar Kosovën dhe pa qenë bashkëpunuese me shtetet fqinje.

Zëvendëskryeministrja tha se Kosova përfiton nga këto bisedime, duke shkurtuar rrugën drejt integrimeve në Bashkimin Evropian.

Bashkëpunimi rajonal dhe fqinjësia e mirë janë kritere të rëndësishme në këtë aspekt, ndërsa përsëriti qëndrimin se nuk mund të bisedohet rreth statusit të Kosovës dhe veriu nuk mund të jetë pjesë e bisedimeve.

Tahiri tha se priten rezultate më të mira në takimet e radhës, sidomos drejt lëvizjes së lirë të qytetarëve të të dyja vendeve.