2500 jelekë shpëtimi janë vendosur përpara Parlamentit të Britanisë, në Londër, si shenjë revolte për trajtimin e refugjatëve nëpër Evropë.

Ndërkohë që liderët botërorë po organizojnë Samitin e Kombeve të Bashkuara në lidhje me çështjen e emigrantëve, përcjell albinfo.ch.

Këta jelekë shpëtimi janë vendosur në një park për të rikujtuar liderët për vuajtjet dhe rrezikun që kanë përjetuar me qindra- mijëra refugjatë.

Por, kishte edhe të tillë që kanë kritikuar një shfaqje të tillë, duke inkurajuar më shumë njerëz të rrezikojnë jetën e tyre për të mbërritur rrugëve të rrezikshme në Evropë.

Protesta e Londrës erdhi vetëm disa orë pasi Theresa May paralajmëroi që Britania ka të drejtë t’i dëbojë dhjetëra-mijëra emigrantë ekonomikë që janë paraqitur si refugjatë.