Sportel online për zviceranët jashtë vendit

Në këtë sportel, klientët mund t`i përpilojnë por edhe t`i lexojnë të dhënat e tyre pavarësisht nga koha dhe vendi. Ata po ashtu do të munden që njoftimet mbi në regjistrin civil të zviceranëve jashtë vendit t`i bëjnë vet

(KEYSTONE/Alessandro Della Bella)

Nga fillimi i tetorit, zviceranët me qëndrim jashtë shtetit (diaspora zvicerane) ka në dispozicion një sportel virtual online për të përfituar nga shërbimet e ndryshme konsullore. Në këtë mënyrë do të mund të kryhen shërbime si njoftimet e natyrës së gjendjes civile (lindjet, martesat, vdekjet) pastaj ndërrimi i adresës  etj, thuhet në një komunikatë nga Departamenti (ministria) Federal i Punëve të Jashtme, EDA. Do të bëhet po ashtu e  mundur që të bëhen edhe pagesa të caktuara të taksave me E-Payment.

Sporteli online “e-VERA” është zhvilluar nga  ndërmarrja “Glaux Soft”. Kjo ndërmarrje kishte fituar në vitin 2014 tenderin prej 5 milionësh, i cili parasheh edhe mirëmbajtjen deri në vitin 2021.

“eVERA” është zhvilluar nga prodhuesi i softuerit nga Berna dhe është emërtuar mbi bazën e platformës së vet të quajtur Evidence Nova.

Në këtë sportel, klientët mund t`i përpilojnë por edhe t`i lexojnë të dhënat e tyre pavarësisht nga koha dhe vendi. Ata po ashtu do të munden që njoftimet mbi në regjistrin civil të zviceranëve jashtë vendit t`i bëjnë vet.

Shërbimet konsullore që kushtojnë, si për shembull dëshmitë e shtetësisë etj. mund të porositen në mënyrë të drejtpërdrejtë përmes internetit  dhe të paguhen me ePayment ose kartelë krediti.

Sporteli virtual mund të hapet në faqen e EDA-s www.eda.admin.ch nën rubrikën “online-Schalter” si dhe në veb faqet e disa përfaqësive diplomatike të Zvicrës.