Biznesmenët rus synojnë tregun e Maqedonisë

Bisnismenët rus u ankuan në kompanitë nga Maqedonia, se nuk janë aspak konkurrente me ato ruse

Kapaciteti i kushtëzuar dhe pamundësia e kompanive nga Maqedonia që të kënaqin nevojat e kompanive dhe tregut rus, lidhjet e dobëta transportuese, doganat e larta dhe ligjet e forta ndaj prodhimeve nga vendi, janë arsyet kryesore për deficitin tregtar me Federatën Ruse.

Biznesmenët rus në forumin maqedonaso-rus që u mbajt në Shkup, kërkuan lehtësime nga autoritetet maqedonase, raporton Alsat-M.

Ndërsa sipas ambasadorit rus në Maqedoni Oleg Nikollaeviç Shkërbak ekziston mundësia për tejkalimin e problemeve aktuale duke krijuar kështu kushte për intensifikimin e bashkëpunimit ekonomik mes dy vendeve.

Afaristët e dy vendeve diskutuan edhe për kthimin e tregjeve tradicionale, të cilat i kanë pasur kompanitë nga Maqedonia në Rusi, siç janë ato në industrinë e tekstilit, ndërtimtarisë dhe tregtisë me pakicë.