“Shkupi 2014” edhe me figura shqiptare

Sheshi i Shkupit së shpejti do të pasurohet edhe me tre skulptura të personaliteteve të rëndësishmen historike të shqiptarëve

Këshilli i komunës Qendër në seancën e sotme me 12 vota për 11 të përmbajtur i ka dhënë dritë jeshile iniciativës për vendosjen e figurave të Josif Bagerit, Pjetër Bogadnit dhe Nexhat Agollit në qendër të Shkupit, bën të ditur Zhurnal. Në mbështetje të këtij propozimi kanë qenë këshilltarët e VMRO-DPMNE-së, ndërsa të përmbajtur kanë qenë këshilltarët e opozitës maqedonase LSDM-së. Kryetari i komunës Qendër, Vlladimir Todoroviç, nuk deshi të japë detaje se kur do të vendosen personalitetet e historisë shqiptare, por konfirmoi se skulpturat e tyre janë në fazën përfundimtare. Përveç busteve të personaliteteve shqiptare në qendër të Shkupit,në muzeun e VMRO-DPMNE-së, do të vendosen edhe shtatoret e Hasan Prishtinës dhe Ibrahim Temos. Projekti kontravers “Shkupi 2014”, ka ngjallur reagime të shumta si në vend ashtu edhe tek fqinji jugore Greqia, e cila ka akuzuar Maqedoninë për falsifikim të historisë duke u munduar të përvetësojë një pjesë të historisë greke