Nga Prishtina po largohen banorët, shkak emigrimi

Nga Prishtina vitin e kaluar janë larguar 1253 banorë për në shtetet e jashtme

Kryeqyteti i Kosovës, Prishtina ka bërë përparime në vitet e fundit në disa sektorë, por banorët vazhdojnë të kenë shumë probleme.

Nga Prishtina vitin e kaluar janë larguar 1253 banorë për në shtetet e jashtme. Ndërkaq në vitin 2014 kanë emigruar 1343 banorë nga kryeqyteti, ndërsa kanë hyrë në Prishtinë 2456 vetë, derisa në vitin 2015 kanë emigruar 2408 persona, bën të ditur ‘Klan Kosova’.

Në vitin 2012, Prishtina kishte 205,135 banorë, 2013- 207,477 banorë, në vitin 2014 – 207,062 prishtinas, e në vitin e kaluar kishte 204,721 banorë, pra më pak se në 2012, 2013, 2014, përcjell albinfo.ch.

Njëra ndër arsyet e zvogëlimit të numrit të banorëve në kryeqytet, sipas Hazbije Qeriqit, zyrtare për marrëdhënie me publikun në Agjencinë e Statistikave të Kosovës, është emigrimi.

Kësaj dukurie duket se nuk kanë arritur t’i shpëtojnë as banorët e Prishtinës, derisa shumë nga të rinjtë mendojnë vetëm të largohen.