“Rivalitet kebapësh” – shqiptari lëndon rëndë turkun

Djali i pronarit shqiptar të qoshkut të kebapëve e sulmoi fizikisht rivalin turk me ç`rast i shkaktoi lëndime të rënda në kokë

Në qendrën e fshatit Eschenbach të kantonit St. Gallen ishte prej kohësh vetëm një qoshk ku shitej specialiteti turk, kebapi. Atë e mbante shqiptari me ermin Pal P. Ndërsa për të punonte edhe një turk 34 vjeçar.

Kur turku, pasi kishte lëshuar punën kishte hapur edhe ai, 30 metra larg ish shefit të tij qoshkun e vet të ri të kebapëve, lufta tashmë ishte e shpallur.

Ajo mbërriti kulmin të hënën, kur djali 25 vjeçar i Palit e sulmoi fizikisht turkun me ç`rast i shkaktoi atij lëndime të rënda në fytyrë dhe në kokë, shkruan portali  “Südostschweiz.ch” dhe ai “blick.ch”. Një helikopter i REGA-s u desh të merrte të lënduarin për ta dërguar në urgjencë. Sulmuesi, edhe vetë me lëndime të lehta, është arrestuar.

Sipas asaj që shkruajnë portalet e përmendura, akti i dhunës në Eschenbach kishte qenë i paralajmëruar prej muajsh. Madje turku kishte deklaruar edhe për gazetën lokale “Obersee Nachrichten” gjatë prillit se rivali i tij e kishte kërcënuar me vdekje, kur ai e kishte hapur qoshkun e tij të ri.

Sipas tij, fqinji shqiptar i kishte ardhur disa herë i armatosur, e kishte kërcënuar e sharë dhe madje, pa ndonjë shkas “i kishte ngrehur veshët djalit të tij pesëvjeçar”.