Thaçi kërkon më shumë punë për riatdhesimet

Gjatë takimit për procesin e liberalizimit të vizave, kryeministri Thaçi tha se qeveria do të mbështesë komunat në përmbushjen e kritereve për liberalizim.

Kryeministri i Kosovës, Hashim Thaçi kërkoi nga kryetarët e komunave të shtojnë angazhimet në procesin e riatdhesimit.

Gjatë takimit ndërinstitucional për procesin e liberalizimit të vizave, kryeministri Thaçi tha se qeveria do të mbështesë komunat në përmbushjen e kritereve për liberalizim, shkruan gazetaexpress.com.

Kryeministri Thaçi bëri të ditur se shumë shpejt pritet një mision vlerësues nga Komisioni Evropian për vlerësimin e arritjeve të Kosovës në procesin e ri-integrimit të personave të riatdhesuar.

I pari i ekzekutivit të Kosovës u shpreh se Qeveria ka vendosur të hartojë një raport të hollësishëm për përmbushjen Planit të veprimit për ri-integrimin e personave të riatdhesuar si dhe kërkesave tjera që dalin nga raportet e misioneve vlerësuese të KE-së.

Kryeministri ka thënë se përgjatë këtij procesi, Qeveria është përpjekur që t’i mbështesë komunat në të gjitha mënyrat e mundshme, përmes përgatitjes së kornizës ligjore, strategjike dhe institucionale, planifikimit financiar.