Partia e Drejtësisë dënon ndërhyrjen e policisë ndaj xhematit

Partia e Drejtësisë ka dënuar ndërhyrjen e policisë ditën e djeshme ndaj protestuesve të besimtarëve mysliman të cilët kishin bllokuar rrugën në shenjë revolte ndaj mungesës së një xhamie të madhe.

“Protestuesit ishin duke u falur” ka thënë deputeti dhe nënkryetari i PD-së Jeton Sfirca i cili ka mbështetur kërkesën e kamotshme të Bashkësisë Islame dhe të komunitetit mysliman në Prishtinë për ndërtimin e një xhamie me përmasa të mëdha për t’i përmbushur sipas tyre, kërkesat për lutje.

Ditën e djeshme Policia e Kosovës ka arrestuar 2 protestues të cilët penguan arrestimin përfaqësuesit të lëvizjes “Bashkohu” Fuad Ramiqi.