Komuna e Prishtinës mbështet riatdhesimin

Bisedohet për kushtet që ofron Ministria e Integrimit për personat e riatdhesuar, të cilat u vlerësuan si shumë të mira

Ministrja e Integrimit, Vlora Çitaku, është takuar me kryetarin e Prishtinës, Isa Mustafa, në vazhdën e takimeve me kryetarët për të diskutuar për procesin e riintegrimit për personat e riatdhesuar.

Ajo, është shprehur e kënaqur dhe e inkurajuar me angazhimin e komunës së Prishtinës.

“Agjenda e integrimit evropian, është konsensuale për të gjitha partitë politike”, është shprehur Çitaku, duke folur për kushtet që duhet plotësuar para integrimit evropian.

Ndërsa kryetari i Prishtinës, Isa Mustafa, tha se në takim, biseduan për kushtet që ofron Ministria e Integrimit për personat e riatdhesuar, e që janë kushte shumë të mira, ndërsa u shpreh se po angazhohen maksimalisht në këtë proces.

Vizita e Çitakut, ishte në vazhdën e takimeve me kryetarë komunave për të diskutuar për njërin nga kushtet për integrimin evropian, që është ri-integrimi i personave të riatdhesuar.