Ndikimi politik nga Brukseli po e pengon EULEX-in

Pritjet e qytetarëve të Kosovës me ardhjen e misionit evropian për sundimin e ligjit në Kosovë, nuk janë realizuar as për së afërmi.

Ekspertët e fushave të ndryshme kanë vlerësuar se EULEX-i duhet të ndërrojë strategjinë e veprimit në mënyrë që të arsyetojë praninë e tij në Kosovë, shkruan Zëri.

Disa shkojnë edhe më larg, duke thënë se EULEX-i duhet të ketë strategji dalëse dhe të përfundojë sa më shpejtë punën në Kosovë.

Njëri ndër përpiluesit e Kodit Penal të Kosovës, ka theksuar se EULEX-i duhet që të pastrohet nga ndikimi politik që vjen nga Brukseli.

Ai ka deklaruar se në mënyrë ky mission do ta ketë më të lehtë veprimin në Kosovë dhe të realizojë projektin me të cilin ka ardhur në Kosovë.

Ndikimi politik nga Brukseli i cili, sipas tij, është për shkak të interesave afatshkurtra dhe afatgjata politike, po e pengon EULEX-in që të zhvillojë veprimtarinë në Kosovë.