Thaçi: Brukseli është unik për perspektiven evropiane të Kosovës

Sipas Thaçit bisedimet me Serbinë janë zhvilluar konform ligjeve dhe kushtetutës së Republikës së Kosovës

Kryeministri i Kosovës, Hashim Thaçi, i kthyer sot nga Brukseli ka thënë BE-ja, tashmë është e unike sa i përket agjendës evropiane të Kosovës.

Thaçi ka thënë se me theks të veçantë në takim me kryediplomaten e BE-së, Catherine Ashton, është biseduar për procesin e dialogut mes Prishtinës e Beogradit si dhe për tri marrëveshjet e arritura mes delegacionit të Kosovës dhe atij të Serbisë.

Ai deklaroi se marrëveshjet janë të një rëndësie të veçantë pasi qe i gjithë dialogu është zhvilluar në ato suaza që si Serbia ashtu edhe Kosova të jenë më afër Bashkimit Evropian.

Ndërkohë, i pari i qeverisë ka ironizuar me kritikat e opozitës për marrëveshjet e arritura.

Për dialogun Thaçi ka thënë se është çështje e shtetit te Kosovës. Sipas tij qeveria ka marre dy herë besimin për të filluar dhe vazhduar procesin e dialogut me Serbinë dhe se dialogu ka qenë agjendë evropiane dhe obligim ndërkombëtar.

Sipas Thaçit bisedimet janë po zhvilluar konform ligjeve dhe kushtetutës së Republikës së Kosovës. Por as Thaçi e as kabineti i tij qeveritar ende nuk i ka bërë publike detajet rreth marrëveshjeve të arritura me Serbinë. Burime nga Brukseli bëjnë të ditur se u takon

Qeverive të të dyja vendeve t’i njoftojë qytetarët se çfarë mund e çfarë nuk mund të bëjnë për të shfrytëzuar frytet e këtyre marrëveshjeve të arritura të shtunën në Bruksel.　

Ajo që kishte premtuar bërjen publike të transkripteve të bisedave me Serbinë, zvendëskryeministrja e Edita Tahiri, ka udhëtuar për në Ottawa të Kanadasë.