EULEX: Kosova vend tranzit i drogës

Është ky vlerësimi që bën për shtetin e ri, Oliver Hoffmann, shef i këshilltarëve të antidrogës në EULEX

Për EULEX-in, Kosova është si vend transit ku kalon droga.

“Të gjithë e dimë që Kosova është vend transit dhe përdorues i drogës” ka thënë Hoffmann i cili indirekt ka pranuar se Misioni për sundimin e ligjit ka dështuar në veri të luftoj rrjetin e krimit të organizuar.

” Ne kemi shtrirje në veri, por nuk kemi informata dhe nuk mund të jap vlerësim” ka thënë Hoffmann.

Të gjitha këto Hoffmann i shpalosi gjatë një konference për media ku edhe e vlerësoi lartë bashkëpunimin me Policinë e Kosovës.

Por, udhëheqësi i njësitit anti-drogë në Policinë e Kosovës, Bahri Shala tha se Kosova është njëri nga vendet në Ballkan që është e përfshirë në trafikim të drogës.

Shala gjithashtu ka pasqyruar disa statistika të 6 mujorit të fundit të Policisw, në fushën e kapjes së drogës. Polica e vlerësoi si të suksesshme fushatën anti – drogë ” Mos i mbyll sytë”.