Për kosovarët ekonomia shqetësim më i madh se politika

Rreth 70 për qind e qytetarëve të Kosovës janë të pakënaqur me orientimin ekonomik të vendit

Ndërsa rreth 57 për qind me atë politik, thuhet në një hulumtim të Programit të Kombeve të Bashkuara për Zhvillim në Kosovë .

Pakënaqësia publike është më e lartë në lidhje me orientimin ekonomik të Kosovës, sesa ajo me orientimin politik, thuhet në pjesën e dytë të anketës “Pulsi Publik”, të cilin e publikoi të mërkurën Programi i Kombeve të Bashkuara për Zhvillim në Kosovë.

Shqetësim tjetër që vazhdon t’i preokupojë kosovarët mbetet niveli i korrupsionit.

UNDP u sugjeron institucioneve kosovare dhe atyre ndërkombëtare që t’i marrin parasysh të dhënat e “Pulsit Publik”, në mënyrë që të bëjnë përpjekje për të përmirësuar gjendjen aktuale në fushat që përmenden në dokument.