Ministri Rexhepi ka thënë se konfiskohen dokumentet serbe

Ministri i Punëve të Brendshme, Bajram Rexhepi, ka demantuar mediet serbe të cilat ditë më parë cituan atë, duke thënë se dokumentet e reja të MPB-së së Serbisë nuk do të konfiskohen në Kosovë.

Ai ka deklaruar se dokumentet e targat serbe do të konfiskohen në Kosovë, duke hedhur poshtë kështu raportimet e medieve serbe.

Rexhepi, ka thënë se për targa tashmë ka një vendim që po zbatohet, kurse për dokumentet ka përkrahur policinë që ka nisur konfiskimin.

Ministri Rexhepi ka folur edhe për marrëveshjet me Serbinë, duke pohuar se targat KS mund të merren në kufi, dhe vetëm nga ata që duan të udhëtojnë për atje, e që duhet të bëjnë një kërkesë speciale.