Turqia do t’i hapë kufijtë për refugjatët që të shkojnë në Evropë?

Sipas shërbimit sekret grek, Turqia ka në plan t’i hapë kufijtë fshehurazi, duke ndihmuar mbi 3000 emigrantë në ditë për të shkuar në Greqi.

Sipas planit, zbuluar nga gazeta greke “Proto Thema”, jo më pak se 3000 do të jenë emigrantë ilegalë që do të dërgohen çdo ditë në brigjet greke. Gazeta u referohet të dhënave të zyrtarëve të shërbimeve të inteligjencës dhe se skema do të hyjë në fuqi brenda disa javësh, transmeton albinfo.ch.

Vëzhguesit lokalë thonë se mijëra refugjatë tashmë janë në bregun perëndimor të Turqisë, ku refugjatët sirianë janë duke u përgatitur të shkojnë në Greqi.

Burimet e cituara me kërkesë të gazetës thonë se plani tashmë është miratuar nga presidenti i Turqisë, Recep Tayyip Erdogan. Pak ditë më parë gjatë një fjalimi në Stamboll, ai madje dërgoi një kërcënim për t’ hapur kufijtë.