Juncker: Nuk mund të ekzistojnë pa BE-në

Presidenti i Komisionit Evropian, Jean-Claude Juncker, paralajmëroi të gjitha vendet e BE-së, që synojnë largimin nga blloku, duke theksuar se ato nuk mund të ekzistojnë pa BE-në.

«Ata që besojnë se është momenti për ta shkatërruar Bashkimin Evropian, për ta ndarë në copa dhe për të na përçarë, u them se e kanë plotësisht gabim», pohoi Juncker gjatë një konference me rastin e 25-vjetorit të Samitit të Mastrihtit, që hodhi themelet e monedhës euro.

Sipas tij, pa BE-në asnjë shtet anëtar nuk ka aftësi krejt i vetëm të zotërojë pushtet politik në botë.
Një formë për t’ua parashtruar këto argumente euroskeptikëve që janë të favorizuar në disa vende të BE-së.

”Aktualisht jemi një pjesë e rëndësishme e ekonomisë globale, 25 për qind e PBB-së”, shtoi ish-kryeministri i Luksemburgut, përcjell albinfo.ch.