Trump bën gafën e radhës: Në vend se “paprecedent”, shkruan “papresident”!

Në vend se aksionin ta quajë “të paprecedent” do me thënë “të pashembullt” dhe “të padëgjuar”, Trump-i shkruan në Twitter se rasti është “unpresitented” ( “i pa president”)

Përmes një komenti të tij në Twitter presidenti i dizajnuar amerikan, Donald Trump, ka shkaktuar shpoti në internet: në shërbimin e lajmeve të shkurtra onlajn, Trump të shtunën e kaluar gjykoi aktin e konfiskimit të një sonde nëndetare amerikane në Detin e Kinës Jugore nga ana e Kinës.

Në vend se aksionin ta quajë “të paprecedent” do me thënë “të pashembullt” dhe “të padëgjuar”, Trump-i shkruan në Twitter se rasti është “unpresitented” ( “i pa president”). Fjala e tij “unpresidented” u bë për një kohë të shkurtë fjala më e përdorur në Twitter. Autorja e “Harry Potter”, J. K. Rowling, tuiteroi në mënyrë sarkastike : “TrumpSpellCheck – Unpresidently effective” (“Drejtshkrimi i Trump-it –  me efekt të jashtëzakonshëm jopresidencial”. Një përdorues tjetër i Twitter shkruan: “Botë e dashur, shumica e amerikanëve dëshiron vërtet që ne të jemi “unpresidented”.

Vetëm pas një ore, Trump korrigjoi gabimin e tij pa hyrë në sqarimin e gabimit të tij të mëparshëm.

Kina konfiskoi të enjten e kaluar në Detin e Kinës Jugore një sondë nëndetare amerikane. Ministria Amerikane e Mbrojtjes kërkoi kthimin e saj.

(Nga sda. Përkthimi për albinfo.ch: Nexhmedin Gerguri)