100 mijë euro për terroristin nga Tunizia

100,000 euro shpërblim japin autoritetet gjermane për çdo person që do të japë informacion që do të sillte edhe kapjen e autorit të sulmit terrorist në Berlin mbrëmjen e së hënës në një treg

KEYSTONE

Tuniziani Anis Amri është shpallur si personi më i kërkuar në Gjermani pas ngjarjes së rëndë që u mori jetën 12 personave, albinfo.ch.

100,000 euro shpërblim japin autoritetet gjermane për çdo person që do të japë informacion që do të sillte edhe kapjen e autorit të sulmit terrorist në Berlin mbrëmjen e kësaj të hëne në një treg.

Gjithashtu raportohet se tuniziani i dyshuar për sulmin terrorist mbrëmjen e 19 dhjetorit në Gjermani, 24-vjeçari Amri ka qëndruar për 4 vite në burgjet italiane, për krime të ndryshme.

Mediat italiane bëjnë të ditur se 24-vjeçari ka mbërritur në Itali në shkurt të 2011-s, periudhë kjo kur Tunizia ishte e përfshirë nga trazirat dhe mijëra persona lanë vendin.

Edhe pse pas përfundimit të dënimit në vitin 2015 Italia ka nisur procedurat e deportimit, por Anis Amri nuk u kthye në Tunizi, pasi autoritetet e këtij shteti nuk iu përgjigjën në kohë procedurave. Po këtë viti, sipas mediave italiane ai u largua për në Gjermani.