Shpërthen zjarri në një hotel: 13 të lënduar

Një person që ka marrë lëndime të rënda dhe dy të tjerë lëndime të mesme, janë transportuar me helikopter për në spitalin kantonal të Chur-it

Pasditen e sotme në Arosa të Graubündenit ka shpërthyer një zjarr. Më shumë se njëqind policë dhe zjarrfikës janë  angazhuar në fikjen e zjarrit, sipas Policisë Kantonale. Një person që ka marrë lëndime të rënda dhe dy të tjerë lëndime të mesme, janë transportuar me helikopter për në spitalin kantonal të Chur-it, bën të ditur srf.ch.

I gjithë hoteli është evakuuar me ç`rast dhjetë persona që kanë marrë lëndime më të lehta janë trajtuar në vendin e ngjarjes. Ndërsa policia i ka rekomanduar popullatës që banon në afërsi që të mbyllë dritaret dhe të qëndrojë brenda.

Aktualisht treni në linjën Arosa-Litzirüti nuk qarkullon pasi që treni është në afërsi të hotelit që ka mare zjarr.