Një grua vdes si pasojë e zjarrit

Policia dhe zjarrfikësit nuk akne mundur ende të zbulojnë shkakun e zjarrit dhe të vdekjes së gruas. Njësitet speciale të forensikës dhe prokuroria janë në vlugun e hetimeve për të përcaktuar shkaktarin e kësaj tragjedie

Pasditen e të dielës, si pasojë e një zjarri të shpërthyer në banesën e  saj,  ka vdekur një grua 44 vjeçare në Dübendorf të Cyrihut.

Pak para orës 17 zjarrfikësit dhe policia morën një njoftim se në një banesë të një ndërtese banimi në Dübendorf po digjej diçka. Përkundër evakuimit të ndërtesës dhe shuarjes së shpejtë të zjarrit, forcat e shpëtimit në banesë gjetën vetëm trupin e vdekur të një gruaje.

Banorët tjerë të ndërtesës u kthyen pas një ore në banesat e tyre të sigurta.

Policia dhe zjarrfikësit nuk akne mundur ende të zbulojnë shkakun e zjarrit dhe të vdekjes së gruas, përcjell albinfo.ch Njësitet speciale të forensikës dhe prokuroria janë në vlugun e hetimeve për të përcaktuar shkaktarin e kësaj tragjedie.

Hetimet e deritashme nuk lënë ë kuptohet për ndonjë krim dhe nga to mund të konstatohet se viktima ka qenë banore e banesës së djegur.