Pavarësisht kërcënimeve terroriste, miliona njerëz festuan nëpër Evropë

Miliona njerëz në mbarë botën, pavarësisht kërcënimeve për sulme terroriste, u mblodhën në sheshe publike për të përfunduar 2016-ën dhe për të mirëpritur 2017-ën.
Kalimtarët në kryeqytetet e sheshe të mëdha në gjithë Evropën kanë festuar Vitin e Ri, ndërsa nivelet e sigurisë pothuajse kudo janë rritur me qëllim të parandalimit të sulmeve nga terroristët.

Ngazëllimi në Evropë filloi me kremtimin në Sheshin e Kuq në Moskë, ku qielli u “skuq” nga fishekzjarre të shumta, përcjell albinfo.ch.

Gati 500 mijë njerëz u mblodhën në fushat e njohura Elize në Paris për të numëruar sekondat e fundit të vitit të vjetër dhe për të mirëpritur Vitin e Ri.

Brukseli përsëri kishte organizuar fishekzjarre, pasi vitin e kaluar u anulua në minutën e fundit, për shkak të kërcënimeve terroriste.

Në Stokholm shumë njerëz festuan Vitin e Ri në anën veriore të Södermalm, ku ndoqen fishekzjarre të shumta mbi Gjurgarden.

Në Kopenhagë festimet kryesore u zhvilluan në Rodhusplasen.

Në Barcelonë qindra e mijëra u mblodhën në qendër të qytetit për të festuar Vitin e Ri.

Festuan edhe nëpër qytete të tjera në Evropë, si në Lisbonë, Madrid, Oslo, Helsinki, Budapest, Bratisllavë, Vjenë …

Megjithatë kërcënimet terroriste nuk ishin të kota. Viti i Ri mori 39 jetë në një sulm terrorist në Stamboll dhe shumica e viktimave ishin turistë të huaj, duke festuar Vitin e Ri në një të klub të  famshëm, “Reina”.