30 veta në ditë helmohen nga medikamentet

Vitin që shkoi, Tox Info Suissse ka regjistruar 40 mijë këshillime lidhur me helmimet. Kjo shifër është për tre për qind më e madhe se një vit më parë

Tridhjetë persona në ditë në Zvicër helmohen nga medikamentet. Rreth gjysma prej tyre janë fëmijë të moshës parashkollor, njofton srf.ch. Këtë e tregojnë shifrat më të reja të publikuara nga qendra informative profesionale për helmimet, Tox Info Suisse.

Vitin që shkoi,  Tox Info Suissse ka regjistruar 40 mijë këshillime lidhur me helmimet. Kjo shifër është për tre për qind më e madhe se një vit më parë, transmeton albinfo.ch. Në shumicën e rasteve bëhet fjalë për helmime me medikamente, produkte të amvisërisë dhe me bimë.

Sa u përket helmimeve të fëmijëve në shumicën e madhe të rasteve bëhej fjalë për aksidente ndërsa te të rriturit, sipas Tox Info Suisse në radhë të parë kanë qenë vetëhelmimet.