Djathëbërësit zviceranë nisen për në Kosovë

Një delegacion i madh i djathëbërësve zviceranë do të vizitojë Kosovën për t’u takuar me krijuesit e politikave dhe prodhuesit e qumështit dhe djathit në vend.

Siç ka njoftuar albinfo.ch, gjatë takimit të muajit tetor të vitit 2016 dhjathëbërësit zviceranë dhe partnerët e Kosovës në Gjenevë kanë treguar një interes të madh për të krijuar siinergji të përbashkëta (Djathëbërësit zviceranë ua transmetojnë zanatin kosovarëve).

Entuziazmi i ndërsjellë që u manifestua vazhdon me një fazë të re. M, 23 dhe 24 janar do të ketë një tjetër takim, këtë herë në Kosovë, në mes të një delegacioni të madh të dhjathëbërësve zviceranë dhe politikanëve me punëdhënësit e Kosovës.

Më konkretisht, delegacioni zviceran do të përfshijë Rene Kolly, ish-presidenti i djathëbërësve zviceranë, anëtar i Këshillit të Madh të Fribourgut dhe pronar i firmës së qumështit “Kolly” në Fribourg; Jacques Gygax, drejtori i firmës “Fromart”; Jean-Pierre Wicht, anëtar i Parlamentit të USAM-it (Bashkimi zviceran i Arteve dhe Mjeshtërisë), ish-president i Shoqatës së bankave kantonale dhe ende president për kantonin e Vaud-it; Benoît Kolly, drejtor i fabrikës së djathit të familjes “Kolly” në Fribourg dhe tregatar i grupit të djathbërësve. Bashkë me ta edhe Imri Limani, anëtar i Komitetit të Dhomës së Tregtisë Zvicër-Kosovë në Gjenevë.

Qëllimi i këtij udhëtimi është të mendohet për zbatimin e bashkëpunimit të diskutuar në takimin e parë, domethënë, të sigurohet në të ardhmen trashëgimia e djathëbërësve nëpërmjet trajnimit në Kosovës nga profesionistët e zanateve të qumështit dhe të djathit zviceran, por edhe nëpërmjet trajnimit për komercializimin e djathit zviceran në rajon.

Autorët e kësaj iniciative, Stefan Sarkany, kryetar i Odës Ekonomike Zvicër-Kosovë dhe Jean-Pierre Wicht, anëtar i Dhomës së Tregtisë Zvicër-Kosovë në Gjenevë, do të dërgojnë punëdhënësit zviceranë në Kosovë.

Axhenda e këtij takimi duket mjafti e ngarkuar, me që janë planifikuar takime me kreun e Parlamentit të Kosovës, Kadri Veseli, me ministrin e Bujqësisë, Memli Krasniqi dhe, mbi të gjitha, takime me prodhuesit e qumështit dhe djathit nga Kosova.