Prishtina, qyteti më i ndotur i rajonit

Sipas analizave të ajrit që i ka bërë Institutit Hidrometeorologjik i Kosovës, del se ndotja e ajrit gjatë ditëve të fundit ka tejkaluar parametrat e normales, duke shkuar mbi 10PM

Kryeqyteti i Kosovës, Prishtina vazhdon të mbetet njëri nga qytetet më të ndora në Evropë. Sipas analizave të ajrit që i ka bërë Institutit Hidrometeorologjik i Kosovës, del se ndotja e ajrit gjatë ditëve të fundit ka tejkaluar parametrat e normales, duke shkuar mbi 10PM.

“Vlera kufitare ditore e lejuar për mbrojtjen e shëndetit të njeriut është 50ug/m3, ndërsa gjatë këtyre ditëve vlera maksimale e mesatares ditore është shënuar me date 29.01.2017 e cila ka arritur në vlerën 254.9µg/m3, ndërsa me datë 27.01.2017 është regjistruar vlera: 68.89µg/m3, dhe me datë 28.01.2017 217.09µg/m3”, thuhet në njoftimin e këtij instituti.

Ky përkeqësim i gjendjes ka ardhur si rezultat i ndryshimit të kushteve atmosferike, përkatësisht paraqitjes së kushteve të pa favorshme meteorologjike për shpërndarjen e koncentrimit të ndotësve, sikur se janë, mjegulla e dendur, shpejtësia e erës, lagështia e lartë e ajrit, shtypja atmosferike, temperatura -11 etj.

Ndryshe, ndotësit më të mëdhenj të ajrit në Kosovës janë Termocentralet e Obliqit, që janë shumë afër Prishtinës si dhe veturat e vjetra, ku mesatarja kalon 17 vjet.