Mërgimtari nga Zvicra vazhdon të ndihmojë vendlindjen

Bashkim Shala ka ndihmuar edhe një shkollë tjetër me kompjuterë, për lëndën e informatikës, përkatësisht ka pajisur kabinetin e informatikës në Sh.F.M.U. “Hilmi Hoti” në Carrallukë, me dhjetë kompjuterë

Bashkim Shala nga Guncati i Malishevës, i cili jeton në Zvicër vazhdon të ndihmojë vendlindjen e tij në forma të ndryshme, raporton albinfo.ch.

Shala ka ndihmuar edhe një shkollë tjetër me kompjuterë, për lëndën e informatikës, përkatësisht ka pajisur kabinetin e informatikës në Sh.F.M.U. “Hilmi Hoti” në Carrallukë, me dhjetë kompjuterë.

Ai kohë më parë kishte pajisur me kompjuterë edhe shkollën e fshatit Guncat.

Me rastin e dhurimit të kompjuterëve për shkollën “Hilmi Hoti”, drejtori i Drejtorisë për Arsim dhe Edukim në Malishevë, Avdi Morina, e ka falënderuar mërgimtarin Shala dhe e ka vlerësuar lartë kontributin e tij, për angazhim në krijimin e kushteve më të mira për nxënësit e Komunës së Malishevës, në procesin e mësimnxënies dhe edukimit.

Mërgimtari Bashkim Shala ka premtuar premtoi se nuk do të jetë donacioni i fundit, por do të angazhohet në sigurimin e donacioneve tjera për shkollat e Komunës së Malishevës.

Më herët ai ka dhënë më shumë se 50 karroca për persona të hendikepuar. Bashkim Shala, ia kishte dhuruar këtë donacion Qendrës së “Handikos”-it në Malishevë.