30 milionë nga BE-ja për Serbinë dhe Maqedoninë

30 milionë nga BE-ja për Serbinë dhe Maqedoninë

30 milionë euro vijnë si ndihmë shtesë nga Bashkimi Evropian për t’u marrë me pasojat e krizës së refugjatëve në Ballkanin Perëndimor. Këto fonde i marrin Maqedonia dhe Serbia.
Fondet e akorduara do të përdoren për menaxhimin e kufijve dhe ofrimin e strehimit dhe shërbimeve të tjera për refugjatët, përcjell albinfo.ch.

Komisioni Evropian thotë se kjo shumë është dhënë pavarësisht nga 59 milionë që ishin caktuar tashmë për të dy vendet që nga kriza në vitin 2015.

“Paketa e miratuar do të ndihmojë për të rritur kapacitetet e menaxhimit, kur është fjala për kufijtë dhe migracionin në rajon. Do të mundësojë vazhdimin e mbështetjes së policisë kufitare për të kontrolluar kufijtë dhe kjo të kryhet në përputhje me standardet evropiane. Fondet do të ofrojnë mbështetje për ata që janë përgjegjës për nevojat themelore të emigrantëve dhe refugjatëve, të tilla si strehimi e shërbime shëndetësore”, thuhet në deklaratën e KE-së.