Shqiptari nga Amerika bën me shtëpi një familje në Podujevë

Shumë familje në Kosovë vazhdojnë të jetojnë në kushte shumë të rënda dhe pa të ardhura materiale.

Kjo ka mobilizuar një pjesë të shoqërisë që t’iu ndihmojnë në momentet më të vështira. E, kur bëhet fjalë për ndihmë, atëherë një pjesë e madhe vjen nga diaspora shqiptare.

Kështu ka ndodhur edhe me rastin e një familje nga Podujeva që jetonte në kushte të vështira, derisa tani pritet të bëhet me shtëpi të re, raporton ‘Klan Kosova’.

Kryefamiljari Bajram Ademi së bashku me pesë anëtarë të familjes së tij do të jetojnë në një barakë tek lagjia e Kuvajtit në Podujevë. Këtë ndihmë e dha donatori, Lulzim Gashi që jeton në Shtetet e Bashkuara të Amerikës, përcjell albinfo.ch.

Shtëpia pritet të ndërtohet shumë shpejt, derisa donatori nuk ka qenë prezent me këtë rast. Gjithsesi kryefamiljari Ademi e ka falënderuar për ndihmën e madhe që i ka dhënë.