Sela: Gruevski më luti për qeveri, por refuzova

I pyetur nëse ndonjëherë është takuar me zyrtarë të VMRO, Sela këmbëngul se asnjëherë vetëm se është dëgjuar në telefon dhe se i kanë kërkuar bashkëpunim.

Kryetari i Lëvizjes për Reforma në PDSH, Ziadin Sela thotë se partia më e madhe maqedonase, VMRO DPMNE e ka lutur për koalicion qeverisës, por ai ka refuzuar me idenë se nuk mundet të bëjë koalicion me një partë që shkelë të drejtat e kombit të tij. Ai tha se nëse do t’i shkelte parimet, atëherë  do të dilte si “palaço”.  Këto komente Sela i ka bërë në debatin “Rruga drejt”në Alsat.

I pyetur nëse ndonjëherë është takuar me zyrtarë të VMRO ai këmbëngul se asnjëherë vetëm se është dëgjuar në telefon dhe se i kanë kërkuar bashkëpunim.
“Unë nuk kam kontakte me zyrtarë të VMRO ka pasur tendenca të gjithë më kanë thirur në telefon dhe i njoh, të ulemi të bisedojmë e të bëjmë qeveri. Unë mendjen e kam ndarë nga fillimi kur kam hyrë në politikë dhe nga lëkura nuk mund të dal”, deklaroi Sela.

Në qoftë se sillemi me apetite, siç tha ai, “do shndërrohemi në shëmtira”.

“Këtë pjesë të historisë e kam mësuar kur kam pasur mundësi dhe kam qenë nxënës i mirë nuk do kthehem shumë por më ktheni dhe në atë histori kam mësuar se maqedonët janë pjesë e sllavëve të jugut dhe kanë ardhur në fillim të shekullit VI, sikur të isha takuar me VMRO sot do ishte në qeveri bashkë me BDI. Por, unë nuk jam palaço, nuk mund të takoj dhe të jap numrat dikujt që flet kundër meje e gjuhës time”, tha më tej Sela, citon Zhurnal.

Nuk kam bërë marrëveshje, por kam dhënë mbështetje pa asnjë kusht, tha ai. “Por kur të bëhet qeveria do ulemi do bisedojmë dhe do nënshkruajmë marrëveshje”, ka thënë mes tjerave lideri i LR PDSH, Sela.