400 mijë euro për shërbime sociale

Ministri i Punës dhe Mirëqenies Sociale, Arban Abrashi ka thënë se që nga janari janë ndarë rreth 400 mijë euro për shërbime sociale

Qeveria e Kosovës vazhdon të japë grante për organizatat të cilat merren me shërbime sociale, shkruan albninfo.ch.

Ministri i Punës dhe Mirëqenies Sociale, Arban Abrashi ka thënë se që nga janari janë ndarë rreth 400 mijë euro për shërbime sociale.

“Rreth 400.000 euro të ndara për shërbime sociale, nga janari i këtij viti. Vizitova organizatën ‘Hareja’ në Rahovec e cila përkujdeset, ofron shërbime dhe organizon aktivitete tjera, për gratë, fëmijët me aftësi të kufizuara, viktimat e dhunës etj. Organizatat sikur kjo, dhe këto që kanë përfituar grante ketë vit nga MPMS, paraqesin një tërësi organizatash të cilët nga paslufta ballafaqohen me sfida financiare, përkundër një pune masive dhe vullneti të pashoq për të përkrahur grupet e margjinalizuara, grupet në nevojë, grupet e stigmatizuara dhe shumë kategori tjera”, ka shkruar ministri Abrashi në “Facebook”, duke vazhduar: “Jemi duke punuar në krijimin e një granti specifik në kuadër të buxhetit komunal, në mënyrë që këto organizata të kenë qëndrueshmëri financiare dhe të funksionojnë rregullisht, e jo të varen nga projekt propozimet”, ka theksuar ministri Arban Abrashi